þriðjudagur, 10. apríl 2012

Sá myndarlegi mundi eftir að stilla vekjaraklukkuna í gær

Samviskusamur þessi elska. Neyddist því til að mæta í vinnuna.
Nei annars, ég er að ljúga, var vöknuð löngu á undan vekjaraklukkunni. Nennti reyndar ekki á fætur en það var ekki vinnunar vegna því þar leiðist mér aldrei.

Páskafríið var líka gott. Fórum á Snæfellsnesið og skoðuðum okkur um í þokunni, þáðum kapalkennslu og matarkrásir í bland við góðan félagsskap í Ólafsvík. Steiktum læri í 18 klstundir og fengum góða gesti í hádegismat á páskadag. Kláruðum að ganga frá í eldhússkápana og töluðum út í geim um framkvæmdir. Lágum eins og klessur á sófanum og lásum eins og við fengjum fimm þúsund kall borgaðan fyrir hverja lesna síðu. Röltum um borgina og héldumst í hendur. Borðuðum páskaegg og mændum ástföngnum augum á hvort annað.

Í dag skein sólin og í kvöld byrjuðum við að tilfæra dót. Mænum enn ástföngnum augum á hvort annað og höldum áfram að tala út í geim um framkvæmdir.

Páskafríið er búið


4 ummæli:

Nafnlaus sagði...

Ég ELSKA hvað þið eruð YNDISLEG bæði tvö og ekki skemmir það hvað þið eruð æðislega ÁSTFANGIN! :)

Stórt KNÚS til ykkar elskurnar mínar
Ástarkveðja
Mía mó :) hehe

Nafnlaus sagði...

Já, og bráðum kemur sumarfríið mín kæra. Gulla

Frú Sigurbjörg sagði...

Já, e-ð er maður víst farinn að hugsa til sumars...

Íris sagði...

Greinilega dásemdar páskar. Svona á það að vera.